An Déardaoin, 13:30-15:00,
Turas Treoraithe,
Ní mór clárú (saor in aisce): Cláraigh anseo.
Bí ar fhoireann Taistil Ghníomhaigh Chomhairle Cathrach na Gaillimhe chun cuairteanna treoraithe a thabhairt ar chuid de na tionscadail bhonneagair is nuaí i gCroílár Chathair na Gaillimhe.
Tabharfar cuairt le linn na siúlóide gearr treoraithe ar Uasghrádú Acomhal an Chorráin / Bhóthar na Mara, lenar áiríodh suiteáil chéad ghairdíní báistí Chomhairle Cathrach na Gaillimhe, a chabhraíonn le tuilte a chosc agus le draenáil a fheabhsú trí uisce báistí a ghabháil agus a ionsú.
Ina theannta sin, tabharfar cuairt ar thionscadail eile a chuireann an Roinn um Thaisteal Gníomhach ar fáil ag Droichead an Dóchais, Canáil Eglinton, Droichead Wolfe Tone agus Scoil Iognáid, Bóithrín na Sliogán.
Is eispéireas praiticiúil faoin spéir a bheidh ann a bheidh oiriúnach do dhuine ar bith a bhfuil suim acu i dtaisteal gníomhach, i réitigh atá bunaithe ar an dúlra, i ndearadh uirbeach inbhuanaithe, i mbainistiú uisce, agus i mbonneagar glas.
Má bhíonn aon cheist agat is féidir teagmháil a dhéanamh le activetravel@galwaycity.ie